Karlos Tevezi ka pasur mundësi të punojë me të dy yjet më të mëdhenj të futbollit botëror të dekadës së fundit, Lionel Mesin dhe Kristiano Ronaldo. Si i përkufizon argjentinasi yllin e sotëm të Juventusit dhe atë të përhershmin e Barcelonës?

“Ronaldo ishte i fiksuar pas palestrës, – tregon Tevez, – kur ishim tek Mançester Junajtid, dhe e kishim stërvitjen në orën 09.00, unë shkoja në klub në 08.00, por Ronaldon e gjeja aty. Vendosa të ndryshoj dhe të shkoj në 06.00 të mëngjesit, por përsëri e gjeta aty, të përgjumur, por ishte aty”. Kristiano, sipas Tevezit, donte të përsosej në gjithçka, prandaj praktikohej shumë, sidomos për formën e tij fizike dhe atletike.

Po Mesi? “Leo nuk ka shkuar kurrë në palestër, – thotë Tevezi, që e ka parë nga afër barcelonistin në kombëtare, – ai stërvitej vetëm për penalltitë, pasi e kishte pikën e tij të dobët. Dikur nuk gjuante penallti, tani po. Për të tjerat, ai ishte një talent i lindur”.

Sfidanti.al