Në të vërtetë, më shumë në Apenine sesa në ishull, sepse “topçinjtë” nuk janë pak, por 13 herë kampionë të vendit. Gjithsesi, prej 19 vitesh ka qenë e panatyrshme që Arsenali të jetë në krye të Premier Ligës dhe kandidati kryesor për titullin. Kjo gjë po ndodh këtë sezon me skuadrën e shkëlqyer të Mikel Artetës që duket se po e mban presionin e Mançester Sitit ndjekës, ndonëse diferenca nuk është edhe aq e madhe (8 pikë). Më shumë revolucion në Serinë A, pasi Napoli ka 32 vjet që nuk del kampion, që nga koha e Maradonës, ndërsa ka gjithsej vetëm 2 titujt e fituar me Diegon. Ekipi i trajnerit Luçiano Spaleti duket një mrekulli në Serinë A dhe në Champions, ku gjithashtu është ndër më të mirët. Kështu siç kanë ardhur punët në Itali, vetëm Napoli mund ta humbasë kampionatin me Interin e Milanin në krizë dhe Juventusin edhe në krizë, por edhe të dënuar.

Sfidanti.al