Po ndodh pak si shumë shpejt dhe ndoshta kjo mund të jetë shenja se “ditë të këqija” do të vijnë për “gjelat”. Një Francë pa shpirt dhe me fytyrë të shëmtuar u shfaq në fushën e lojës në stadiumin “Ernst Hapel” të Vjenës ku mezi mori barazimin 1-1 për Ligën e Kombeve ndaj Austrisë vendase. Në një ndeshje që austriakët merituan më shumë, u desh goli shumë i bukur i Kilian Mbapesë për të shpëtuar kampionët e botës. Franca mban sërish vendin e fundit në grupin e saj, pas humbjes shtëpiake me Danimarkën dhe barazimit në Kroaci, duke pasur vetëm 2 pikë në 3 ndeshje, ndërsa shqetësimi është i madh sepse kroatët fituan në Kopenhagen. Pra, vendi i parë duket i vështirë. Tifozët sikur u qetësuan pas fitores së fundit në Ligën e Kombeve me finalen e pronësuar me shifrat 2-1 ndaj Spanjës, që bëri të harrohej dështimi në Euro 2020. Gjithsesi, “fantazmat” po kthehen dhe nuk dihet nëse ekipi i trajnerit Didie Deshamp do të kthehet në “shina” kur të fillojë Kupa e Botës në Katar.

Sfidanti.al