Para pak ditësh u arrit marrëveshja dhe tanimë gjithçka është zyrtare. “Tulipani” holandez, Tijani Reijnders është lojtari më i ri i “kuqezinjve” të Milan, i cili njëkohësisht është transferimi i pestë këtë sezon pas Sportielo, Luka Romero, Loftus-Çik e Kristjan Pulisiç.

Holandezët e AZ Alkmar kanë pranuar ofertën e italianëve prej 20 milionë eurosh plus bonuse, ndërsa përsa i përket kontratës personale, mesfushori 24-vjeçar ka rënë dakord për një kontratë 5-vjeçare nga e cila do të përfitojë 1.7 milionë euro në sezon. Ndërkaq, kujtojmë se Reijnders zhvilloi paraqitje fantastike sezonin e shkuar, teksa në 54 përballjet e zhvilluara në të gjitha kompeticioniet arriti të shënojë plot 7 gola, si dhe të dhurojë 12 asistime.

sfidanti.al