Ljuis Hamilton është një dër sportistët më të pasur në botë, por emri i tij së fundmi është shfaqur në skandalin e ‘Paradise Papers’ që zbuloi disa nga sekretet dhe evazionet fiskale të kryera nga personalitetet më të pasur. E përditshmja britanike ‘The Guardian’ thekson se Hamilton ka  shmangur taksa për vlerën e 16.5 milionë Paundëve për avionin e tij privat duke përdorur vendin Isle of Man, një skemë kjo që tashmë është vënë nën lupën e hetimeve të organeve tatimore britanike.

‘The Guardian’ bën të ditur gjithashtu se 4 kompani financiare dhe ajo ligjiore ‘Appleby’ me këtë të fundit që është në qendër të skandalit ‘Paradise Papers’, i kanë dhenë mundësinë Hamilton, por dhe dhjetëra klientëve të tjerë që të kryejnë këtë krim financiar duke krijuar biznese inekzistente nëpërmjet të cilave ata marrin me qera avionët e tyre privatë.

Ekspertë ligjorë  e kanë studiuar mirë këtë skemë  dhe kanë deklaruar se ajo është abuzive duke shtuar se tani askush nuk i respekton më ligjet Evropiane. Por jo vetëm kaq, ‘The Guardian’ ka theksuar në artikullin e saj se  qeveria e Isle of Man u ka kërkuar organeve tatimore britanike që të rishohin 231 rastet ku vihet  fshehja e  taksave duke nisur nga viti 2011 që arrin deri në 1 mld Dollarë. Për momentin  Hamilton  duket se  nuk është i përfshirë drejtpërdrejt në këtë skemë të evazionit fiskal, me britanikun që kishte deklaruar më parë  se ia kishte besuar këto praktika një përfaqësuesi ligjor.

Sfidanti.al