Inflacioni është aq i lartë sa nuk dihet se ku do të ndalojë. Flitet për dënimet kapitale të dhëna në ndeshjet e botërorëve, që njohën një rekord të ri. Ky u vendos kur Portugalisë iu akordua 11-metërsh me ndihmën e VAR-it në ndeshjen ndaj Iranit. Ishte penalltia e 19-të, më shumë sesa në çdo kupë të botës së mëparshme, edhe pse ende nuk kanë përfunduar ndeshjet e grupeve.

Jo vetëm kaq, por numri shkoi në 20 kur sërish me ndihmën e VAR-it, Iranit iu dha një tjetër shans për gol. Karim Ansarifard e ktheu këtë mundësi në gol. Njëzet penalltitë janë dhënë në 36 ndeshje, dhe mesatarja është një për çdo 162 minuta.

Rekordi i përmashëm, me 18 11-metërsha, u vendos kur Botërori u zgjerua në 32 skuadra, dhe këtu nuk ka asgjë për t’u habitur. Kjo shifër u arrit në vitin 2002 në Japoni e Kore të Jugut. Gjithsesi, rritja e numrit të penalltive nuk lidhet vetëm me shtimin e skuadrave, por edhe me hyrjen në përdorim të teknologjisë VAR. Nga 20 penallti të thëna, shkalla e realizimit është 75 për qind, pasi pesë lojtarë gabuan. Mes tyre edhe dy më të mirët e botës, Ronaldo e Mesi.

Sfidanti.al