Kryesuesit mund t’i kishin merituar tri pikët, por vetëm nëse do të kishin arritur t’i merrnin. Nuk ia doli Arsenali të vazhdonte serinë e fitoreve, dhe humbi shansin të shkëputej 10 pikë në krye të Premier Ligës ndaj Mançester Sitit. Barazimi 0-0 në “Emirejts” do të thotë se kampionët mund të afrohen tani në 5 pikë, nëse fitojnë sfidën e tyre. Edhe pse Odegard apo Saka dhanë maksimumin dhe londinezët ishin pranë golit, ata nuk shënuan. Ishte hera e parë që nuk ia dolën këtë sezon në kampionat pas plot 17 ndeshjeve. Padyshim që sfida ishte e niveleve të larta pasi Njukasëlli është në zonën Champions, dhe konkurreca në ligë këtë sezon është tepër e fortë. “Laraskat” treguan se janë “beton” në mbrojtje, aspak gjë e vogël për një ekip që vjet rrezikoi në një moment të binte nga kategoria.

Sfidanti.al