Sot ai as nuk mund të mendohet që të marrë ushqim të shpejtë, ushqim kioskash, por atëherë ishte ndryshe. Kështu del nga rrëfimi që Uejn Runi bëri për ish-shokun e tij tek Mançester Junajtidit, Kristiano Ronaldo. Ai kujton kohën kur portugezi mbërriti në “Old Traford” dhe kishte shumë më pak kilogramë në trup sesa sot, ndaj edhe e kishte zakon që të merrte një “mekdonalds” të madh për të shtuar peshën.

“Kur unë shkova për herë të parë tek Junajtidi, shoqërohesha shumë me Kristianon, – kujton Runi, – stërviteshim bashkë, dhe një ditë para ndeshjes, shkonim në Fast-Fud (Fast Food), dhe ai merrte një “Big Mac”. Në atë kohë, donte të shëndoshej sepse ishte shumë i dobët”. Të dy fituan 3 tituj radhazi në Premier Ligë nën drejtimin e Sër Aleks Fergusonit. Sot, Ronaldo ka peshë shumë më normale, dhe ushqehet në mënyrë të kujdesshme, si dhe bën 8 orë gjumë natën, por edhe ka 5 përgjumje gjatë ditës, për të ruajtur formën.

Sfidanti.al