Kur një trajner të Kombëtares e fabrikon  politika, siç është rasti i Silvinjos, i ardhur  me bekimin e kryeministrit, puna për shkarkimin e tij do të kërkojë ..shumë punë! Do t’i japim të gjithë nga një dorë, porse vetë presidenti Duka, “ i pafajshmi i përjetshëm”, do të luajë  në këtë skemë të vjetër hileqare,  si sulmues i fshehur. Tamam si me De Biazin, edhe me brazilianin Silvinjo,  i konsumuam të dy fazat e “orgazmës kuqezi”: në fillim dashuri pa kufi , më pas  vjen ..tradhëti pa limit ! Pale kur  fillojnë flasin dhe shqipen pasi marrin pasaporten tonë , sidomos kur artikulojnë të famshmet “ mirëmbrëma” dhe “natën e mirë”.Tamam  aty.. nis gjuetia  e largimit, me një fjalë ,  bëhen gati  por nuk e mesojnë dot, edhe fjalën e fundit ..lamtumirë!

Pas dështimit të “papritur”  në Letoni, si mund të mos shfaqej mjeshtri i “futbollit pa shtyllë kurrizore”,presidenti Duka.  Ai  që na garanton me sukses ,pertej  dy dekadash, luhatjet më spektakolare të Kombëtares. Një mjeshtër që zotëron magjinë e zezë , ku  trajnerët sipas momentit, herë  të duken hata fare dhe herë të shfaqen me  probleme të mëdha në   ekuilibrin profesional.

Si do ta  pësojë Silvinjo , më i paguari ndër gjithë trajnerët tanë edhe pse Kombëtarja më shumë mësoi atij zanatin,  se sa na mësoi ai  artin e lojes? Edi Reja në ditën e vet më të rrjedhur, futi Odise Roshin ,si mbrojtës të djathtë, aty ku edhe pësuam golin.  Brazialini Silivinjo, i telekomanduar nga lart,  gradoi Rei Manaj kapiten, pikërisht pasi humbi penalltinë me Serbinë. Pse, si  thoni, kaq budalla është Silvinjo? Po  kur  Hysaj, lojtari më i mirë më Serbinë, zhytet në stol  tamam sikur të kishte bërë autogol! Vallë mos doli nga skenari në ndeshjen që gjoja luhet me historinë dhe jo me topin  , por topin nuk e godasin futbollistët e fushës..por ata që nuk duken .

Sfidanti.al