Kur e shpikën futbollin në Shkodër zbulonin me thumbimin e tyre komik se arsyeja kishte qënë se donin të “qeshnin” edhe kur lodronin me topin. Këta ishin shkodranët e parë, ata që na mësuan “vesin” që të duatrokisnim edhe kundërshtarin, sidomos kur luan me arsye me topin dhe me hijeshi…
Sikur ta dinin brezi i sotëm i futbollistëve se si përjetohej një humbje në ate kohë në Shkodër, këtë nuk e thotë as instagrami!? Mbanin zi në llojin e tyre, nuk bënin humor për disa ditë. Kurse sot, Vllaznia del para porte 10 herë si me Kukësin dhe e prallisin topin edhe me larg se instagrami.
Aq sa trajneri Memelli nuk e mbajti dot : “ Futbollistët tanë e përjetojnë futbollin nëpërmjet instagramit. Janë të papërgjegjshëm..” Lusim zotin që të jenë vetëm futbollistët fajtorë me instagramin, sepse uji nga sipër del i pastër por turbëllohet poshtë..
Ç’Ishte kjo e Memelllit? Jemi mësuar me trajnerë që kur ikin më shpejt se sa vijnë, prapë thonë “’rroftë presidenti”. Ndaj na duket si “pacient” ky Memelli që e teproi ca me ato që lëshoi në mikrofon. Pale të thoshte se kemi edhe ne Tonalët dhe Zaniolot tanë për baste , ndaj mos qani hallin e Italisë…
Sfidanti.al