Sa ndjellëse   do të ishte që ta shikonim një herë Armando Brojën kundër Anglisë! Mbetet një ëndërr ose realiteti na qaset shumë ironik. Vite më parë, kur Broja ishte si kokrra e mollës, dhe ne do të luanim kundër Anglisë, Broja nuk zbriti në fushë , por e degdisën në tribunë. Ajo që ndodhi ishte si  një film që të lë si mumje  ,  me një skenar të denjë për “Oskar kuqezi” .

Një Armando shkoi poshtë në fushë , një Armando u ngjit lart në tribunë ! Presidenti Duka u shfaq  pranë  lojtarëve , tek tuneli që të nxjerr në fushë, kurse një  Armando, sulmuesi,  u sistemua tek shkallët pranë tifozëve. Akoma pyetet: ç’ishte  kjo rrokadë e pazakontë,  tamam në ndeshjen bujëmadhe  me Anglinë. Një ndeshje e madhe vetëm për ne, që rastësia apo fati, ose të dyja bashkë, bashkohen kundër Brojës…

Sipas gjasave, Anglia po vjen, Broja përsëri po ikën !Ku po shkon?  Trajneri i Evertonit, David Mojes i Evertonit ka deklaruar se Broja nuk është gati të luajë deri në fund të marsit ! Mjafton një frazë e një trajneri  në Angli , për të hedhur poshtë gjithë planet tona,  “terapinë dhe mjekimet” shkencore   edhe pse ne distancë ,  që fillonin nga FSHF dhe mbaronin nëpër studiot e TV-së…

Sfidanti.al