Haleluja! Ka mrekulli me top , por ka edhe mrekulli kur topi nuk është në dukje ! Spanja dhe Italia, dy kundërshtarët tanë në grup, rrezikojnë të përjashtohen nga Europiani për të njëjtën arsye: shteti kërkon të kontrollojë ç‘bëhet me paratë e futbollit! Dhe të kontrollosh paratë e futbollit, sa vijnë,  si vijnë e ku shkojnë, është tamam sikur t’i vjedhësh  “virgjërinë”  UEFA-s…

Çdo shteti tek paratë e “shtetit të futbollit”?  Shqipëria edhe për këtë aspekt është e para në klasifikim, siç ndodhi në eliminatore.  Këtë leksion e kemi kuptuar me kohë, ndaj ndodhi mrekullia që shteti ynë, me një fjalë Rama, “sakrifikoi nga xhepi”  për pagën e Silvinjos. Madje shefat tanë, i plotikes dhe futbollit,  shpesh bëjnë “rrokadën ”:  ka momente që Rama,  bëhet sikur është i pari i futbollit, kurse Duka sikur është   ..kryeministër!  Ndaj dhe  shefat e UEFA-s dhe FIFA –s , Ceferini dhe Infantino, sa herë vijnë në Tiranë, priten më parë në Kryeministri e më pas qasen  në zyrat e FSHF-së…

Imagjinoni çfarë  “mrekullie” do të jetë nëse Spanja dhe Italia përjashtohen!  Ne do të shpallemi  pretendentë në grup, nëse deri në ditën që fillon Europiani , nuk zbulohet  ndonjë  kleçkë edhe për ..Kroacinë !

Sfidanti.al