Padyshim kjo merkato vere që po përjetojmë është ndër më të “çmendurat”, të paktën e këtyre 5 viteve të fundit, me klubet arabe që po kërkojnë të transferojnë shumë nga “yjet” evropianë që janë në prag të daljes në “pension” dhe jo vetëm.

“Objektivi” më i fundit i sauditëve është “faraoni” i Liverpul, Muhamed Salah, me “yllin” egjiptian që kërkohet me ngulm nga skuadra e Al-Itihad, skuadër kjo që deri më tani ka afruar “bomberin” francez, Karim Benzema, ish-mesfushorin e Çelsit, Ngolo Kante dhe ish-shokun e skuadrës së Salah, brazilianin Fabinjo.  Për kartonin e Salah, sauditët janë të gatshëm të paguajnë plot 60 milionë paund, si dhe kanë gati një paketë prej 180 milionë eurosh për dy sezone ose e thënë ndryshe 90 milionë euro në sezon, shifër kjo “stratosferike” krahasuar me pagën që “ylli” egjiptian merr te “të kuqtë” e Liverpul.

sfidanti.al