Dyshimet janë të shumta dhe Botërori nuk bëri edhe aq mirë. Romelu Lukaku nuk do të kthehet me më shumë besim tek Interi pasi dështoi ai vetë dhe e gjithë Belgjika në Katar. Gjithsesi, notën më të keqe e mori vetë sulmuesi zikaltër që humbi raste të pastra ndaj Kroacisë. Po ashtu, sulmuesi tjetër, Lautaro Martinez, nuk pati asgjë për të gëzuar në aspektin individual në Kupën e Botës edhe pse doli kampion me Argjentinën. “Demi” u la në stol nga Alvarezi dhe u vendos në formacionin më të keq të kampionatit bashkë me Kristiano Ronaldon. Trajneri Simone Inzagi i di të gjitha këto ndaj edhe ia ka frikën ndeshjes ndaj Napolit në 4 janar në “San Siro”. Përtej dyshes së sulmit vjen edhe Marcelo Brozoviç i lodhur nga aventura me Kroacinë, ndërsa Milan Shkriniar ende nuk ka vendosur të rinovojë kontratën.

Sfidanti.al