Kanë qenë kohë të tjera ato kur një anglez mund të mësonte një “teuton” në këtë fushë. Biznesi sot është global dhe Çelsi i Londrës duhet ta ketë parasysh se Borusia e Dortmundit është një nga klubet më të specializuar në botë për transferimet e lojtarëve. Mediat britanike shkruajnë se shefja Marina Granovskaja, krahu i djathtë i Roman Abramoviçit, ka gjetur njerëz ekuivalentë tek shefat e Dortmundit si Mikael Cork apo Vacke. Ata duan 175 milionë euro për Erling Halandin (madje, “Deili Meili” shkruan se gjermanët e vlerësojnë 170 milionë paundë stërlina, që do të thotë 196 milionë euro). Deri tani, ata kanë rezistuar, ndërsa historia e afërt tregon se ia kanë arritur qëllimit. Usman Dembele u mor nga Barcelona për 105 milionë euro, plus 40 milionë euro shpërblime të ndryshme. Arsenali vendosi një rekord të klubit për Pjer-Emerik Obamejangun, kartoni i ë cilit u pagua 67 milionë euro, ndërsa Bajerni pagoi për Mario Gëcen, 37 milionë euro, rekord gjerman i kohës. Çelsi duhet ta ketë mirë parasysh këtë.

Sfidanti.al