Optimizmi nuk ka më vend në Qytetin Sportiv në Valdebebas, ndërsa Reali po rreshton humbjet dhe po pret me ankth duelin e së shtunës me Barcelonën. Katastrofa me Shahtarin e Donjeckut në Champions pasoi atë në La Liga ndaj Kadizit, dy nga humbjet më pak të pritshme dhe të pësuara në shtëpi në pak ditë. Një nga “emëruesit” e përbashkët ishte mungesa e kapitenit Sergio Ramos, i dëmtuar në pushim të ndeshjes me Kadizin në “Miniestadi Alfredo di Stefano”. Mediat nga Madridi shkruajnë se mbrojtësi i qendrës është në dyshim të madh për duelin në El Klasiko. Dëmtimi nuk i ka kaluar dhe pavarësisht përpjekjeve të mjekëve dhe vetë Ramosit duket se asgjë nuk do të bëhet. Në moshën 34-vjeçare riaftësimet bëhen më ngadalë, por si i bëhet Realit në Katalonjë? Kapiteni u stërvit i vetëm, ndërsa trajnerit Zidan i mungojnë Karvahal, Hazar, Odegard, Diaz dhe Odriozola.

Sfidanti.al