Nuk mungon optimizmi nga të dyja palët dhe dëshira për të vazhduar gjithashtu. Por duhet ende kohë, që është praktikë normale kur janë në pyetje shuma të mëdha. Si ato për të cilat po mendojnë Interi dhe Lautaro Martinez, që po bëhet gjithnjë e më shumë flamuri i skuadrës zikaltër. Marotta, për të bllokuar lojtarin dhe për të shmangur ndonjë shaka të pakëndshme, lëvizi shumë shpejt: Zhang i dha pothuajse një dorë të lirë për të mbajtur argjentinasin. Këtë e dëshmojnë edhe lëvizjet e CEO-s, i cili vendosi në tavolinë plot 8 milionë euro (plus bonuse) për të zgjatur kontratën e Lautaros. Një shumë rekord, që do ta bënte 26-vjeçarin lojtarin më të paguar në skuadër. Por nuk mjafton. Lautaro kërkon edhe dy të tjera, pra 10 milionë: distanca nuk është e madhe dhe gatishmëria e Interit për të bërë një sakrificë për të mbajtur ish-lojtarin e Racing është e fortë.

Zyrtarizimi i rinovimit deri në verë është një hap i detyrueshëm: me valsin e sulmuesve që mund të nisë në verë falë kalimit të Mbappe te Real Madrid, gjithçka mund të ndodhë. Lautaro është golashënuesi më i mirë në Serie A deri tani dhe rrezikon të përfshihet në vorbullën e merkatos. E sigurt është se argjentinasi është në rrugën e tij për të qenë lojtari më i paguar në skuadër: ai tani fiton 6 milionë euro në sezon dhe me kontratën e re do të kalojë Calhanoglu, i cili ka mbetur në 6.5 milionë. Lautaro është kapiten, lider dhe tani një flamur: ai dëshiron një rinovim siç i takon një lojtari të nivelit të tij.

sfidanti.al