Bajerni i Mynihut po kalon një periudhë të keqe. Trajnerit Tuchel po i del situata nga kontrolli dhe këtë e tregojnë edhe rezultatet që kulmuan me humbjene  fundit në kampionat 3-2 kundër Bochum. Drejtuesit e klubit bavarez po mendojnë emrin e Zidane në stolin e Bayern-it, por në planet e tyre janë edhe emra të tjerë trajnerësh. Fati i Tuchel-it është vulosur tashmë sidomos pas disfatës në Olimpico në Champions dhe humbjes me Leverkusen në Bundesligë. Edhe pse drejtuesit e klubit, pas këtyre rezultateve, e konfirmuan dhe e mbrojtën trajnerin, tensionet dhe paqartësitë mbeten. Divorci i trajnerit me bavarezët në qershor është i sigurtë, por dyshimi mbetet nëse do të ndodhë më shpejt. Thashethemet në lidhje me pasardhësin e tij vazhdojnë të shtohen në Gjermani. Në garë janë tre emra: Flick, është kandidati më autoritar. Mourinho, i shkarkuar nga Roma, do të rikthehej menjëherë në aksion. Antonio Conte ka qenë gjithashtu i lidhur me pankinën bavareze. Në fakt Klopp, do të ishte ëndrra e shumë gjermanëve, por ai ka thënë se do të bëjë pushime pas largimit nga Liverpuili. Por realisht, drejtuesit e Bayernit, kanë kontaktuar me Zinedine Zidane.

Francezi, që nuk drejton që nga viti 2021, do të ishte zgjedhja e parë për të pasuar Tuchelin në verë. Nuk është e qartë nëse ai do ta pranonte punën menjëherë. Megjithatë sot Zizou është emri i parë në mendimet e Bayernit. Imazhet e Tuchel në Olimpico ishin elokuente: dhoma e zhveshjes po i del jashtë kontrollit, ai ka gjysmën e ekipit kundër tij. Një situatë e tillë brenda Bajernit nuk është parë kurrë më parë.

sfidanti.al