Pati një mundësi të madhe, që mund të vijë ndoshta vetëm një herë në jetë. Brajtoni është një skuadër e respektueshme, por modeste angleze, dhe që ajo të dilte në krye të Premier Ligës do të kishte qenë një mrekulli e nivelit botëror. Kjo do të ndodhte nëse do të fitohej ndeshja e mbrëmshme në fushën e Kristël Palasit, e cila në të vërtetë u barazua 1-1. Nuk pati fitore të 5-të në 6 ndeshje, por një rezultat që tregoi karakterin e ekipit i cili luftoi deri në fund ndërsa u ndodh në humbje. Nil Mopej (Maupay) barazoi shifrat në minutën e fundit të kohës shtesë dhe Brajtoni meritoi një tjetër respekt nga publiku anglez. Premier Liga është kampionati më i fortë i botës, dhe është krenari për këtë ekip që të ketë 13 pikë, po aq sa Mançester Siti, Çelsi, Mançester Junajtidi dhe Evertoni, si dhe vetëm 1 pikë më pak sesa Liverpuli kryesues.

Sfidanti.al