Te Roma janë rritur tensionet pas humbjes me Cagliarin, por as te Manchester United situata nuk është shumë e qetë dhe mbrëmjen e së enjtes verdhekuqtë dhe Djajtë e Kuq do të luajnë gjysmëfinalen e Europa League. Manchester United në fundjavë barazoi 0-0 ndaj Leedsit duke ia dorëzuar praktikisht titullin kampion të Premier League, rivalëve të Manchester City.

Por gjatë kësaj ndeshjeje u shënua edhe një episod aspak i këndshëm, një zënkë mes kapitenit Harry Maguire dhe Fred. Mbrojtësi që së fundmi është kapur edhe me Marcus Rashford, u zu me mesfushorin brazilian në pjesën e dytë të sfidës. Sipas informacioneve të medias britanike, tonet e zërit mes lojtarëve u ngritën menjëherë, me kapitenin e Manchester United që e fyeu rëndë shokun e tij të skuadrës: ‘Je një idiot dreqi’

Pas ndeshjes, Solskjaer u përpoq të minimizonte atë cfarë ndodhi, por është e qartë se te Manchester United tensioni është jo i vogël dhe Roma do të mundohet ta shfrytëzojë këtë moment

Sfidanti.al