Pas Rally Dakarit, Superkupës së Spanjës  dhe ndeshjes së boksit mes Andy Ruiz dhe Entoni Xhoshua, Arabia Saudite mund të presë edhe një garë të Botërorit të Formula 1 duke nisur nga 2021. Lajmi bëhet I ditur nga tabloidi britanik ‘Daily Mail’ sipas të cilit drejtuesit e Formula One Management ka nisur bisedimet në lidhje me këtë cështe, bisedime që mesa duket kanë ecur shumë përpara.

Nëse kjo do të ndodhë, atëherë Botërori I Formula 1 I vitit 2021 do të ketë në kalendarin e tij 23 gara me Arabinë Saudite që do të bëhet vendi I tretë nga Lindja e Mesme që do të presë një garë të këtij kampionati pas Cmimit të Madh të Bahreinit dhe Abu Dabit.

Mendohet se gara e Arabisë Saudite mund të zhvillohet në Xheda, në një cirukuit urban në edicionin e parë, për të kaluar më pas, që nga 2022, në një zonë tjetër që do të jetë e përhershme.  ‘Daily Mail’ thekson gjithashtu se shifra që do të investohet për këtë garë të Arabisë Saudite vlerësohet të jetë 50 milionë Dollatë në vit.

Po kështu mësohet se organizimi I këtij cmimi të madh do të ketë mbështetjen e kompanisë së njohur të naftës ‘Aramco’, një prej kompanive më potente në Gjirin Persik që do të bëjë shpenzimet në mënyrë të tillë që Arabia të vijojë zgjerimin e saj në panoramën sportive.

Sfidanti.al