Si mund të ndahet fati nga merita e lojës? Kemi dëgjuar shpesh shprehjen ngushëlluese “ nuk patëm fat”! Ndofta ngaqë i dashurojmë  shumë  “lojerat e fatit”.  Edhe Tirana në Derbin e fundit me Partizanin, beson se fati i kishte çuar deri tek shtyllat dhe aspak ne rrugën e rrjetës. Partizani ishte zot i pjesës së parë dhe shënoi dy gola, Tirana  “pronesoi” 45 minutat e dyta, por nuk e gjeti dot golin…

Partizani u shpreh i lumtur për fitoren, sidomos  me anë të trajnerit Kërnaja, kurse Tirana , gati me një gojë, ishim të pafat!  Pse kaq shumë të pafat? Ku ishit në pjesën e parë, kur Partizani dominoi dhe shënoi dy gola!  Më e bukura, të dyja palët, si Tirana dhe Partizani, nga halli apo nga qejfi, asnjëra nuk ankohet që pjesa më e madhe e Derbit u luajt në “pishinën e Arenës”. Një fushë për të cilën thuhet shkencërisht se ka 60 për qind bar artificial dhe 40 per qind bar natyral u paraqit në gjendje mjerane për Derbin. Dhe kur kujton pagesen-gjobe  10 mije e 500 euro te ekipit organizator, kjo do te thote ..kercen prifti nga belaja !

Sfidanti.al