A ka mace të zezë në futbollin Superior , që duket më i lumtur pa tifozë  ? Në lojën tonë hallemadhe , nëse bredhin   “macet” nëpër fushë ,   me ngjyrat e tyre krijohet  një ..top i shformuar. Le të qëndrojmë tek ajo më e njohura : macja e zezë! Sa herë që Egnatia , në mënyrë plateale( demonstrative) tregon  pafuqinë për të mundur Teutën, nga studio e ekraneve   del    historia me “macen  e zezë”.

Egnatia le të jetë kampione, le t’i tollovisë   gjithë ekipet e kampionatit tërë  këto vite , por, ama, sapo shfaqet Teuta, si dikur shoferët kur u shfaqej macja e zezë, ..ndërron rrugë ! Nuk shkon dot  nga rruga e fitores sepse e mbyt “tersi”, por ngushëllohet me një rrugë tjetër, ku barazimi të duket si  një “telebingo”. Në Rrogozhinë hedhin spica sikur ekipi i tyre ka krijuar një romancë idilike me Teutën, sa thonë se historia e  Egnatias  me Teutën  është  si ajo e famshmja  ..Romeo me Zhuljetën.

Sfidanti.al