Teatër kuqezi me Kilin!  Në listë kishim 8 apo 9 sulmues, në fushë..asnjë! Nuk dinim se kë të fusnim nga “heronjtë”,madje  i qamë  hallin Silvinjos . Kur filloi ndeshja , gara ishte se  cili të dezertonte më shumë nga repartet  !  Ç‘dreqin ishte ajo që pamë?. Jemi mësuar me gabimet “pikante ” të Hysajt në mbrojtje, por nuk ishim mësuar me atë pamje   asfiksuese  të mesfushës, ku “truri ynë  i serisë A”  , Bajrami, sidomos Ramadani, dhe Asllani…nuk ia shkrepnin fare..

Broja apo Manaj? Manaj apo Broja?  Këto pyetje paska qënë “Kali i Trojës”, në një ndeshje ku armiku ishim vetë!Sidoqoftë, kjo ndeshje e “paharruar” me Kilin, na la një  mesazh të zi :  vazhduam  regresin e dy ndeshjeve të fundit në grup  me Moldavinë dhe Ishujt Faroe . Dhe kur?  Tamam në prag të Europianit, kurdisëm  një provë gjenerale të pompuar në letër ,dhe të shpifur …në fushë.

Edhe Silvinjo, “magjistari” i ndeshjeve kualifikuese, ka nevojë të monitorohet, siç thotë për futbollistet. Sepse  nuk është e hijshme dhe moralisht e shëndetshme , kur del trajneri në ekran dhe i vë kapakun  “tenxheres kuqezi” , formulon   frazën e dalë boje se.. kush nuk vrapon nuk do të vij në Kombëtare!

Sfidanti.al