Edhe Kombëtarja kërkon biletë për ndeshjen me Çekinë? E besoni apo nuk e besoni, edhe futbollistët e Kombëtares , ata që do të zbresin në fushë me misionin e “pamundur” për të mundur Çekinë,  kanë të njëjtin hall  me tifozët…kërkojnë bileta! Dhe, kjo  me Çekinë, dashtë zoti të na ndihmojë, na i ka marrë mendtë fare.  Pyetja e madhe nuk është se  sa do të dalë ndeshje, por …a  ke gjetur biletë?

Shumë  mbresëlënës  lajmi “kuqezi”: çunat e Kombëtares shkojnë tek Silvinjo dhe i qahen për bileta , pasi “nuk do ta shikojnë” dot  ndeshjen, të cilën do ta luajnë po vetë në fushë!? Dhe themi se kjo është Kombëtarja më e mirë që kemi patur, kur vite më parë futbollistët shkonin tek trajneri për një vend në formacion, kurse në kohën e sotme, shkokan për një hall më të “madh”..për bileta për familjarët!

Dikush nga futbollistët e paska blerë në treg të zi dhe ka lëshuar batutën speciale  “ E bleva shtrenjtë biletën për të parë se si do të… kualifikohemi..” Por,  a e dini se çfarë mund t’u ketë  thënë Silvinjo futbollistëve biletakërkues? “Po të merresha edhe me biletat, ky do te ishte fundi i zanatit …”

Sfidanti.al