Që Garet Bejli nuk shihet me sy të mire nga Zinedin Zidane, nuk është më sekret për asnjeri dhe tani ai ndodhet te dera e daljes së klubit “mbretëror”. Në këto kushte, duket se Bejli i shfrytëzoi “pesë minutat” e veta që të hakmerrej kundër trajnerit francez, kur Reali pësoi një humbje shktërrimtare 3-7 nga Atletiko e Madridit. Në fakt, Bejlit iu dha mundësia që të luante në 30 minutat e fundit të ndeshjes, kur rezultati ishte tanimë 1-6. Sidoqoftë, para se të hynte në fushë, Bejli qeshte në stol, ndërsa më vonë, kur ai hyri në fushë, kamerat e kapën atë, duke qeshur dhe duke parë nga Zidane. Kjo sjellje e tij ngjalli zemërimin e tifozëve që e vërshëllyen atë. Sidoqoftë, Bejli ndodhet te dera e daljes së “Santiago Bernabeut” dhe thuhet se ai tanimë ka pranuar të shkojë të luajë në Kinë.

Gjithsesi, pavarësisht se nuk e sheh dot me sy, Zidani mund të jetë i detyruar të bashkëpunojë me uellsianin, dikur transferimi-rekord botëror në futboll. Mediat britanike dhe spanjolle lajmërojnë se dëmtimi i Marko Asensios ka krijuar një boshësi të madhe në krah, në skuadrën madrilene, dhe Zidani është aq profesionist sa të mos lejojë ndjenjat personale të dëmtojnë përgatitjet e ekipit. Për më tepër, me përjashtim të Eden Hazarit, lojtarët e tjerë të marrë nga Reali nuk janë yje të garantuar, por yje në formim, si Joviç, Kubo apo Rodrigo, pa harruar Vinisiusin apo Lukas Vaskezin.

Sfidanti.al