Juventusi “i blertë” bëm me zemër Pirlon, CR7 duartroket tunizianin Hamza Rafia!

Në fushë ishin dy “gjyshër” dhe shumë “buzëqumësht” pasi gjashtë titullarë ishin me moshë nën 22 vjeç. Një Juventus të tillë përzgjodhi trajneri Andrea Pirlo për ndeshjen e Kupës ndaj Xhenoas dhe ndonëse u luajt në Torino, edhe kampionëve u takoi të vuanin, ashtu si edhe Milanit e Interit. Një Kupë me ndeshje me një takim të vetëm është diçka krejt tjetër nga formati klasik italian.

Kristiano Ronaldo, i aktivizuar vetën më 88’ nuk pati ç’të bënte tjetër përveçse të duartrokiste tunizianin 21-vjeçar Hamza Rafia, që pati debutimin prej ëndrrash me fanelën bardhezi. Vendasit e nisën shumë mirë ndeshjen në “Alianc” me golat e shënuar nga Kulushevsi e Morata, por Cibora ngushtoi shifrat dhe Melegoni realizoi një gol të shkëlqyer 15’ para fundit. U desh të vinte minuta e 105-të, pra koha shtesë që “Zonja e Vjetër” të arrinte kualifikimin”.

Pirlo vlerësoi të rinjtë dhe deklaroi se kishte mbetur i kënaqur nga prova e tyre, ndërsa Kristiano Ronaldo tregoi se mbetet një profesionist i madh, një manjak i futbollit, edhe kur luhet një ndeshje e të tetave të finaleve të Kupës së Italisë, edhe kur në krah ka lojtarë me moshë shumë më të re. Portugezi u zemërua keq për nja dy topa që duhej t’i ishin pasuar më mirë.

Sfidanti.al