Të dy janë të të njëjtit profesion, ndërsa në këtë moment gjithashtu janë në të njëjtën “barrikadë”. Oleksandr Usik dhe Vitali Kliçko i bashkon karriera e boksit profesionist, ndërsa aktualisht janë në detyrë për të luftuar për atdheun e tyre, Ukrainën. Usiku, kampioni në fuqi i botës në peshat e rënda të boksit profesionist, ka shansin të mbrojë titujt përballë britanikut Entoni Xhoshua në Londër këtë qershor dhe Kliçko, ish-kampioni absolut i botës, e ka nxitur që të shkojë dhe të ndeshet. Kliçkoja është kryetar i Bashkisë së Kievit, dhe i ka dhënë “bekimin” e tij Usikut. Kampioni i sotëm ukrainas i botës mban brezat e artë në versionet WBA, IBF, WBO, IBO. Usiku mori leje edhe nga Ministria e Mbrojtjes e Ukrainës dhe tashmë është larguar nga vendi për të kryer fazën përgatitore.

Sfidanti.al