Së pari vazhdon epoka “Xhejms” tek Lejkërsat, dhe shpresa është që të mos përfundojë shpejt. Vërtet Lebroni është 35 vjeç, por me fizikun që ka mund të luajë edhe 2-3 vjet në nivele të larta, pse jo? Gjithsesi, Mexhik Xhonson, legjenda e klubit, thekson se më pas do të jetë Entoni Dejvis që do të duhet të udhëheqë për 5 vite të tjerë të paktën, ndërsa bashkë me të në ekip mund të jetë edhe dikush tjetër. Mexhiku u pyet për Luka Donçiçit, dhe u përgjigj: “Po, është e qartë, Luka tek Lejkërsat do të më pëlqente!” Kontrata e Donçiçit tek Dallasi është e tillë që ai ka edhe 2 vjet si “ruki” (rookie), pra si lojtar debutues, ndërsa më pas mund të shtohet edhe me 4 vjet duke i paguar shumë më tepër para. Në 2025, Donçiç mund të zgjidhte një skuadër tjetër duke qenë 25 vjeç, ndërsa Lebroni në atë kohë do të ishte 40.

Sfidanti.al