Si bë kaq e bukur Tirana, tamam në ditën që po squlleshim  se mos e humbisnim ..nga orbita e Superiores. Ishte apo nuk ishte Partizani në Derbi? Po ajo që ndodhi?  Ishte e vërtetë për t’u besuar  apo ta marrim me qetësi, si një virus  te radhës ..si  një “teatër i fshehur”?Edhe Derbi po na e dredh bishtin ? Mos na bëhet si Kombëtarja që na shet bileta  sa frëngu pulën,  per pak futboll !Si vjen puna?   Shumica luteshin që fundi i Derbit  të shkonte për Tiranën, e cila ishte në pikë të hallit, ku të fuste kokën.  Po ç‘qe ajo ndodhi? Në pjesën e dytë u bë Partizani për mëshirë dhe lutja kaloi në një sens tjetër : ishalla nuk pëson golin e 4-t se i doli lezeti ndeshjes..

..Ishte apo nuk ishte “bio”,  ushqimi që na dha Derbi per 1 orë e gjsymë ? Pse u dashka futur në laborator kjo ndeshje , kur pothuaj gjithë përballjet  e javës ishin sipas pazarit  të  moçëm  “ hiqja Lenës dhe futja Prenës”.  Kulmi arriti në Rrogozhinë, ku ishte i pranishëm edhe presidenti Duka, që inaguroi për herë të dytë stadiumin , por preu edhe “shiritin” e një palo ndeshjeje,  ku roli i Egnatias ishte që të vritej në fushë, me kokën nga tribuna VIP, duke thirrur  : “Rroftë mbreti”…

Sfidanti.al