E keni dëgjuar shprehjen se çfarë të bën minuta e fundit në Superligë, nuk ta bën dot as gjithë ndeshja!  Pas ndeshjes Skënderbeu – Vllaznia,  një serial  tepër i ndjekur  për tradhëtitë pa cilësi  që ndodhin në fushë dhe aktrimin e mrekullueshëm  të protagonistëve pas ndeshjes  nëpër intervista dhe studio, eshte vertetuar. Megjithatë, për hir të së vërtetës, kjo seria e fundit sikur doli nga shinat e rregjizorit,  kur populli i pakët i mbetur në stadium thirri i zhgënjyer “ Turp , turp..”.  Nëse do të ishte një ndeshje me dema,  publiku do të mbante gishtin e ulur për të treguar se demi nuk meriton të jetojë, ndaj toreadori duhet ta vrasë. Në arenën e futbollit tonë të lodhur, sa herë që futbollistët vrasin futbollin, publiku tregon me gisht se nuk meriton futbolli të vritet, por ata që vrasin lojën.  Kjo ndeshja e fundit në Korçë sepse mbajti më shumë erë sesa të tjerat, ndërsa mendohej që shfaqja do të ishte më ‘profesionale”, më e besueshme,  le të ndodhte “apokalipsi” i ndeshjes në minutat e fundit.  Pse nuk besojnë në Superligë për gjëmat që mund të ndodhin në minutën e fundit, kur ajo në shumë vende është shndërruar në minuta XXL,  ngaqë edhe arbitrat e kanë për zemër dhe harrojnë të bien veglës së tyre…

E keni dëgjuar shprehjen e atyre që mbrojnë futbollin që mban erë, atë të pusetës, me  frazën çarmatosese: “ O budallenj, si mund tëbëhet  filmi i përmbysjes së ndeshjes në minutat e fundit,  kjo nuk ka as garanci!”.  Një shpjegim tepër i rafinuar,  më shumë hileqar sesa e meriton vetë loja me top, por kur mendon se edhe arbitrat nuk e mbarojnë lojën pa ndodhur “mrekullia” e madhe, atëherë kupton se nuk dihet se cila është minuta e fundit.  Ajo për të cilën akoma grinden njerëzit e futbolli se si ka mundësi që “vrasja” të  realizohet me sukses pikërisht  në ato çaste që ne i quajmë të fundit, ndonese për arbitrat e shkretë nuk  janë të fundit sepse i tillë është shkruar skenari..

Sfidanti.al