Le t’i heqim kapelen trajnerit italian, Ranieri, kur deklaroi  se trajnerët gënjejnë shumë, por më shumë se ata gënjejnë..trajnerët që kanë qënë futbollistë! Edhe trajneri  ynë i kombëtares , gjithnjë e më i plotë, po radhitet  i denjë për këtë përcaktim.

Ah ky Silvinjo, edhe debutues në stol përfaqësuese, edhe  zotëroka formulën “magjike” që humbjet  i kamuflon  në fitore! Një zot e di se si mund të gjejë kurajën  për të thënë  frazën e pavend : “ Nuk na mungonte ne entuziazmi, por Çekia e kishte me shumicë”.

Pas dy humbjeve që të kallin frikën si ajo me Gjeorgjinë ,ku nuk shkuam dot në portën e kundërshtarit dhe kjo me Çekinë, një lojë topitëse pa pikë  thelbi,   madje  duhet të festojmë që thithëm vetëm 2 gola! Ironia : askush nuk ndihet fajtor për vazhdimësinë e dështimit. Mirë për lojën që nuk skuqen fare, po për premtimin  para ndeshjes. Presidenti na qerasi me “llokumin e tij” tradicional,  duke thënë se do luajmë për ta fituar ndeshjen, Bajrami kishte siguri  se nuk do humbasim ndeshjen, pasi e kemi  studiuar mjaft mirë kundërshtarin . Kurse trajneri vazhdon me sukses “sambën e tij”..Mos kujtoni se do të luajmë për barazim!  Ajo që ndodhi, nuk e kemi per herë parë : luajtem per te humbur !

Sfidanti.al