Nuk është në nivelin e Kristiano Ronaldos, por gjithsesi është një investim tepër i shtrenjtë. Një sakrificë për një klub italian në këtë moment, sepse Juventusi do të paguajë gjithsej 106.5 milionë euro për Dushan Vlahoviçin. Sulmuesi serb merret nga Fiorentina për 75 milionë euro që jepen për kartonin (68 milionë në dorë plus 7 milionë me klauzola të ndryshme), ndërsa rroga do të jetë 7 milionë euro për një kontratë 4.5 vjeçare. Të shtunën pritet vizita mjekësore në Torino dhe pastaj prezantimi si lojtari i ri i skuadrës së trajnerit Masimiliano Alegri. Tekniku do të jetë i lumtur sepse golat që ai po i kërkonte “me qiri”, tashmë do të vijnë.

Sfidanti.al