Lojtarët kanë kërkuar që ai të bëhet trajner me kontratë të rregullt, tifozët po ashtu janë të lumtur me të, veçse drejtuesit e Mançester Junajtidit ende nuk janë plotësisht të bindur. Sidoqoftë, Ole Gunar Solskjer mund ta fitojë kontratën e tij nëse realizon edhe një arritje tjetër. Mediat angleze shkruajnë se në “Old Traford” i kanë vendosur trajnerit një kusht të vetëm, por jo edhe aq të lehtë për t’u plotësuar.

Junajtidi i Solskjerit duhet të eleminojë Paris SG nga Liga e Kampionëve, dhe vetëm pas kësaj shefi ekzekutiv Ed Uduord, si dhe familja Glejzër, do të nisin bisedimet, duke lënë mënjanë kandidaturat e tjera, mbi të gjitha atë të Maurisio Poçetinos. Fati duket se ka qenë, këtë kohë, në anën e Solskjerit, pasi PSG e ka humbur përfundimisht yllin kryesor, Nejmarin, për shkak dëmtimi.

Sfidanti.al