Nëse Reali dëshiron të ketë shpresa për të mbrojtur titullin në Spanjë këtë sezon, atëherë duhet të fitojë ndeshjet. Si i bëhet, veçse, kur shkon copë-copë në një nga ndeshjet më të vështira, siç është ajo ndaj Seviljes në “Bernabeu”? Trajneri Zidan duhet të shpikë diçka krejt të veçantë, pasi në atë përballje mbrojtja e tij thuajse nuk do të ekzistojë.

Rafael Varan u dëmtua (sërish) në sfidën ndaj Dortmundit në Champions, kapiteni Sergio Ramos është i pezulluar, Karvahal nuk luan, po ashtu as Kasemiro. Zidan po mendonte të vendoste të riun Çendo në krah, por i thanë se edhe ai është i pezulluar. Mirë që ka sulmin në formë të paktën, me Ronaldon, Asension, Majoralin apo Lukas Vaskezin.

Sfidanti.al