Në Angli ende nuk mund të thonë se cili do të jetë vendimi në Londër, ndërsa dyzimet janë të mëdha. Ku do të vazhdojë karriera e Armando Brojës sezonin e ardhshëm, dhe cili klub do ta ketë kartonin e tij? Këto pyetje janë në rend të ditës për mediat pranë Sauthemptonit e Çelsit, ndërsa pritet që kjo javë të sjellë një zgjidhje. “Shenjtorët” e duan me patjetër lojtarin që ta kenë plotësisht të tyrin, trajneri i bluve, Tuhel, thekson se “Broja është i veçantë” dhe se “nuk është koha tani për të folur për këtë, sepse koha është që Broja të jetë i qetë dhe i përqëndruar”. Vetë sulmuesi i kombëtares shqiptare nuk heq dorë nga ëndrra e tij për t’u kthyer tek Çelsi, e në fund të fundit kush do të ishte ai lojtar që do të hiqte dorë? Lajmet nga Anglia janë që londinezët mund të kërkojnë të paktën 20 milionë euro për kartonin e tij, që do të thotë rreth 24 milionë euro. Me gjasë, Tuheli do të presë deri në verë dhe mund të vendosë ose që t’ia zgjasë 20-vjeçarit huazimin tek Sauthemptoni edhe për një sezon, ose ta kthejë në “Stemford Brixh”. Jo më kot nuk ka klauzolë blerjeje në kontratën e huazimit të tij në stadiumin e “Shën Mërisë”.

Sfidanti.al