Kampionari gjerman, Bundesliga, nuk ka qenë domosdoshmërisht turneu më interesant në Europë, pavarësisht emrit të madh dhe stadiumeve të mrekullueshëm. Bajerni i Mynihut ka dominuar për 10 vjet me radhë duke fituar titullin, dhe në 8 sezonet e fundit e ka bërë me Robert Levandovskin. Gjithsesi, një ish-trajner i bavarezëve, sot në stolin e Gjermanisë, Hansi Fliku, bën një parashikim që nuk përkon me atë që ka ndodhur. “Pres një Bundesligë më të fortë, me më shumë rivalitet, – thotë ai, – natyrisht, Bajerni është ende skuadra më e mirë, por pretendentët e tjerë po forcohen”. Fliku gjithsesi nuk parashikon Dortmundin si rival kryesor, por përmend Lajpcigun dhe Leverkusenin.

Sfidanti.al