Sokol Cikalleshi vazhdon që të jetë një nga protagonistët kryesorë tek ekipi i Konyaspor. Sulmuesi kuqezi ka gjetur përsëri rrugën e rrjetës në ndeshjen që ekipi i tij po luan momentalisht përballë Kayserispor. Ndeshja është 1-0 në favor të ekipit të Cikalleshit dhe është pikërisht ky i fundit që ka shënuar. Në minutën e 48’ të sfidës, 33-vjeçari ktheu në gol një 11-metërsh. Për Cikalleshin ky është goli i tetë në kampionatin turk, teksa numëron edhe dy asistime.

sfidanti.al