Nëse dikush kishte ndionjë dyshim, tani bën mirë ta heqë përfundimisht pasi Lionel Messi mund Erling Haaland në betejën për Topin e Artë 2023. Vendimtar rezultoi suksesi në Kupën e Botës për argjentinasin ndërsa për norvegjezin nuk mjaftuan tre titujt të shoqëruar nga Këpuca e Artë.

Argjentinasi, pasi udhëhoqi kombëtaren e tij për të fituar Kupën e Botës në Katar, sot në mbrëmje mori Topin e tetë të Artë që i ishte dhënë nga David Beckam, pronar i Inter Miami, skuadra në të cilën luan argjentinasi. Pas tij u renditën Haaland, i cili me golat e tij e çoi City-n drejt “Tripletës” dhe Mbappé, kampioni i padiskutueshëm i PSG-së. Me këtë trofe, Messi shkëputet në plus 3 nga rivali i tij i përjetshëm, Cristiano Ronaldo që ka mbetur në kuotën 5.

Në total,  Lionel Messi ka fituar 98 trofe gjatë gjithë karrierës së tij. Si lojtar i Barcelonës, ai mori 35 trofe gjatë ecurisë së tij 17-vjeçare me ekipin e parë. Ai gjithashtu ka fituar mbi 50 trofe individual. Sa i takon çmimeve të tjera të fituara mbrëmjen e sotme, lojtari i ri më i mirë u shpall Bellingham, portieri më i mirë u vlerësua argjentinasi Emiliano Martinez, ndërsa çmimi i bamirësisë iu dha Vinicius-it. Golashënuesi më i mirë? Erling Haaland. Sulmuesi i Manchester Cityt realizoi jo por 56 gola. Pas fitimit të Champions League, skuadra më e mirë është parë e arsyeshme të vlerësohet Manchester City.

sfidanti.al