Nuk luajtën gjatë bashkë, por miqësia mbeti. Lionel Mesi dhe Ronaldinjo krijuan një dyshe ëndrrash tek Barcelona për aq kohë sa e veshën njëkohësisht fanelën katalanase, dhe duket se kjo lidhje jo vetë që i rezistoi kohës, por edhe duket se dha një efekt të rëndësishëm. Lajmet nga disa media ndërkombëtare janë që ishte pikërisht kapiteni i Barçës që pagoi 1.6 milionë USD për të liruar nga burgu Ronaldinjon dhe vëllanë e tij, Roberto Asis, që kishin mbetur prej 1 muaji në qeli në Paraguaj.

Ish-superylli brazilian u akuzua se kishte hyrë në shtetin latinoamerikan me pasaportë false, diçka që ai e pranoi. Nuk ka ndonjë pohim zyrtar, as nga ana e Ronaldinjos, dhe as nga ajo e Mesit, që argjentinasi të ketë paguar 1.6 milionë dollarët, por gjithsesi këto fjalë kishte kohë që qarkullonin. Gjithsesi, media të njohura botuan, 3 javë më parë, lajme se Mesi ishte shprehur se nuk kishte ndërmend të paguante për ish-shokun e tij, ndërsa flitej për një shumë prej gati 4 milionë USD.

Ronaldinjo do të vazhdojë të gjykohet në Paraguaj, por tashmë i vendosur në arrest shtëpie në kryeqytetin Asunsion, dhe ka zgjedhur të banojë në një hotel. Vitet e fundit, edhe pse kishte kohë larg Barcelonës, legjenda braziliane kishte bërë vizita në kompleksin stërvitor, ku ishte takuar me Mesin dhe futbollistët e tjerë.

Sfidanti.al