Vetëmohimi nuk shihet me sy të mirë këto kohë, madje jo vetëm kur është fjala për t’u hedhur në zjarr për të ndihmuar të tjerët. Shqetësimi më i madh i momentit është ruajtja e distancës për të shmangur infektimin nga virusi, gjë që mund të ndihmojë që jeta të kthehet njëfarësoj në normalitet. Gjithsesi, futbollisti i Hertës së Berlinit, Dedrik Bojata, nuk ngurroi të puthte fort në faqe shokun e tij të skuadrës, Marko Grujiç, pasi ky shënoi një gol. Momenti i historik, që sfidon rregullat për t’u ruajtur nga korona, u fiksuar në kamera dhe në aparatet fotografike, për t’u shpërndarë në të gjithë botën, ndërsa aty dallohet lojtari tjetër i Hertës, Vedat Ibisheviç, që duket paksa i shqetësuar për atë që po shikonin sytë. Herta pati edhe një moment disa ditë më parë, kur Salomon Kalu bëri një shaka “pa i hedhur shumë kripë”, duke filmuar veten ndërsa ngacmonte shokët e skuadrës, madje njërit i ndërpreu edhe testimin për virusin. Sidoqoftë, guximi i Bojatës tregon se njeriu e merr në sy rrezikun, për të qenë sërish njeri dhe qenie shoqërore. Ai mund të dënohet, por e meriton një monument.

Sfidanti.al