Kombëtarja e Brazilit po përballet me probleme të mëdha, vetëm një vit para Botërorit. Presidenti i Federatës, Ednaldo Rodrigues, po kërkon një trajner të huaj për ta udhëhequr skuadrën.

Pas eksperiencave të pasuksesshme me Diniz dhe Dorival, synimi i Federatës është italiani Carlo Ancelotti, i cili së fundmi është kontaktuar për këtë rol.

Megjithatë, pavarësisht interesimit të madh të Brazilit, Ancelotti nuk ka dhënë ende një përgjigje përfundimtare, duke lënë një derë të hapur për mundësinë që të marrë drejtimin e Seleçaos.

Te Brazili nuk duan të gjenden të papërgatitur dhe për këtë arsye, po studiojnë edhe alternativa të tjera.

Plani B është Jorge Jesus, trajneri portugez i cili ka shprehur hapur dëshirën për të drejtuar kombëtaren braziliane.

Jesus, i cili aktualisht drejton Al Hilal në Arabinë Saudite, është gati të largohet nga klubi para përfundimit të kontratës së tij në qershor. Kjo do ta bënte atë një kandidat të fortë për të marrë drejtimin e Brazilit gjatë dritares së ardhshme të ndeshjeve të FIFA-s në qershor, kur seleçaos do të përballet me Ekuadorin dhe Paraguajin.

sfidanti.al