Botërori i Klubeve, i cili do të zhvillohet për herë të parë në një format të ri, pritet të sjellë shpërblime financiare të mëdha. Sipas njoftimeve të FIFA-s, fituesi i këtij turneu do të përfitojë deri në 125 milionë dollarë, një shifër rekord për një aktivitet të tillë, ku numri maksimal i ndeshjeve për çdo ekip do të jetë 7 takime.

FIFA ka bërë publike strukturën e shpërndarjes së fondeve, ku në total 1 miliard dollarë do të ndahen mes 32 ekipeve pjesëmarrëse.

Sipas FIFA-s, ekipet do të përfitojnë shuma të caktuara për kalimin e çdo faze të turneut, me një shpërblim prej 40 milionë dollarësh për fituesin e finales dhe 30 milionë dollarë për skuadrën që mbyll kompeticionin në vendin e dytë.

Këto janë shpërblimet më të larta që janë ofruar ndonjëherë për një turne të këtij lloji, duke e bërë këtë edicion të Botërorit të Klubeve edhe më tërheqës për ekipet e mëdha të futbollit botëror.

sfidanti.al