Gian Piero Gasperini nuk do të jetë trajner i Romës. Kjo u konfirmua nga Claudio Ranieri, i cili foli për trajnerin e ri, që do të zgjidhet në verë.

Ranieri mohoi zërat se mund të qëndrojë te Roma, duke thënë se do të ishte një vit i humbur.

“Gasperini nuk do të jetë trajner i Romës në të ardhmen. Nëse do të qëndroja unë në stol, do të humbisnim edhe një vit tjetër. Unë nuk jam e ardhmja e Romës. Kushdo që do të zgjidhet, sa më shpejt të vijë aq më mirë është.

Unë dhe Ghisolfi do të zgjedhim trajnerin e ri dhe listën do e dërgojmë te presidenti, i cili duhet të vendosë mes atyre emrave. Ai që do të vijë, duhet të dijë se nuk do të bëhen blerje të çmendura në merkato”, deklaroi Ranieri.

sfidanti.al