Ernest Muçi u largua nga fusha përpara kohe në fundjavë, në ndeshjen e Besiktas ndaj Basaksehir. Klubi i Besiktas, ka përditësuar së fundmi situatën e sulmuesit shqiptar, nëpërmjet një postimi në rrjetet sociale. “Gjakderdhje u konstatua në aduktorin e brendshëm të kofshës së djathtë të Ernest Muçit, i cili ndjeu dhimbje dhe nuk mundi të vazhdonte ndeshjen. Trajtimi i Muçit ka nisur nga ekipi ynë mjekësor”, shkruan Besiktas. Muçi ka luajtur 24 ndeshje në këtë sezon në kampionat.

sfidanti.al