Një barazim mund të interpretohet sipas dëshirës dhe jo rrallë trajnerët kundërshtarë dalin me versione të kundërta. Afërsisht kështu edhe pas derbi të Madoninës mes Milanit e Interit. Trajneri kuqezi, Stefano Pioli, vlerësoi skuadrën e tij si “të guximshme”. “Po tregojmë se mund të luajmë barabar ndaj kujtdo, – tha ai, – vuajtëm mjaft, por pastaj u rritëm në lojë. Nuk jemi rastësisht në këtë pozicion ku jemi”. i ndryshëm opinioni i trajnerit të Interit, Simone Inzagi. “Një mëkat ky barazim, – thotë ai, – duhej të kishim fituar sepse patëm shumë raste, më shumë sesa Milani, por gabuam përpara portës. Gjithsesi, jam i kënaqur nga ekipi dhe rruga deri në fund të sezonit është shumë e gjatë”.

Sfidanti.al