Në fushë nuk duket se ka vonesa apo probleme. Që të dy futbollistët po japin maksimumin në një “makinë futbolli” që më në fund po punon siç duhet. Milani kryeson Serinë A dhe portieri Xhixho Donaruma e mesfushori ofensiv Hakan Çalhanoglu janë nga më të mirët, por bisedimet për rinovimin e kontratave të tyre po vonojnë. Që nga janari, të dy mund të bisedojnë me klubet që dëshirojnë pasi kontratat e tanishme i përfundojnë në verë, diçka që shqetëson jo pak Maldinin apo edhe Piolin. Në Itali nuk dinë të thonë sesi do të përfundojë kjo histori, ndërsa Çalhanoglu kërkon 5 milionë euro në vit plus shpërblimet, në krahasim më 3.5 që merr tani. Për Donarumën nuk është problem rroga, 7 milionë euro në sezon, por klauzola të cilën portieri e kërkon ashtu si agjenti Raiola, por Milani nuk e ka me qejf.

Sfidanti.al