Harry Maguire po e gjen më në fund veten pas një periudhe shumë të ndërlikuar, me gafat në vitet e fundit që për hir të së vërtetës kanë qenë të shumta. Një titullar i palëkundur me kombëtaren angleze, mbrojtësi ishte një nga protagonistët e mëdhenj në fitoren e djeshme të Manchester United ndaj Copenhagen. Ish-lojtari i Sheffield United, Hull City, Wigan dhe Leicester shënoi golin e fitores në minutën e 72-të, duke i dhënë 3 pikët e para në grup “Djajve të kuq”

“Eriksen më dha një top të jashtëzakonshëm dhe e dija që, nga kaq afër, duhej të godisja. Është një ndjenjë e pabesueshme”, rrëfeu Maguire, i cili nuk kishte shënuar që nga 20 shkurti 2022, kundër Leeds.