Presidenti i FIFA-s, Gianni Infantino, ka reaguar përmes një mesazhi emocionues në ditën e lamtumirës së Cristiano Ronaldos nga kombëtarja e Portugalisë. Numri një i futbollit botëror vlerësoi karrierën e jashtëzakonshme të CR7, duke theksuar se arritjet e tij mund të mbeten të paarritshme për shumë vite.

“Pak lojtarë kanë arritur të prekin zemrat e tifozëve të futbollit në të gjithë botën si Cristiano Ronaldo. Një karrierë e përcaktuar nga talenti i jashtëzakonshëm, vendosmëria e palëkundur dhe dëshira e pashtershme për të shtyrë gjithmonë kufijtë e asaj që është e mundur”, shkroi Infantino.

Ai theksoi gjithashtu ndikimin e Ronaldos te brezat e rinj dhe rëndësinë e tij për Portugalinë, të cilën e ka përfaqësuar me krenari në skenat më të mëdha të futbollit botëror.

“Ka frymëzuar breza, ka bashkuar miliona tifozë dhe ka përcjellë shpresat e krenarinë e Portugalisë në skenat më të rëndësishme të botës.

Faleminderit, Cristiano, për pasionin, momentet e paharrueshme dhe kontributin e jashtëzakonshëm që i ke dhënë sportit tonë të dashur, duke veshur me krenari fanellën e Seleçaos. Karriera jote ndërkombëtare do të mbetet përgjithmonë e skalitur në historinë e futbollit”, përfundoi presidenti i FIFA-s.