Sergio Ramos do të pushojë sot dhe nuk do ta ndihmojë dot Realin në përballjen ndaj Alaveshit në ligën spanjolle të futbollit. Trajneri Zinedin Zidan do ta lerë mënjanë kapitenin e tij që ka shpenzuar shumë energji me 9 ndeshje në pesë javë, ndërsa përpara Madridit është pjesa vendimtare e sezonit. Në 28 ditë do të luhen 9 ndeshje të tjera, përfshi dy ndaj Bajernit në çerekfinalen e Championsit, dhe përballjet në “Bernabeu” ndaj Atletikos dhe Barcelonës (23 prill).

“Ramos duhet të pushojë, – tha Zidan, – ka luajtur shumë kohët e fundit dhe çdo lojtar është i rëndësishëm. Kemi thënë se nuk ka zëvendësues dhe titullarë në skuadrën tonë dhe kjo vlen tani më shumë se kurrë”. Ramos ka shënuar 7 gola këtë kampionat, duke qenë shpesh vendimtar, ndërsa Reali ndaj Alaveshit nuk do të ketë as Kasemiron, pasi braziliani është i pezulluar.

Sfidanti.al